Stampa

Valutazione attuale: 5 / 5

Stella attivaStella attivaStella attivaStella attivaStella attiva
 

54798281 2777021308982603 4969677375114575872 nDop’ ‘i rimi p’’e cummàri,
soru, mammi e figghji seri,
vinni l’ura d’’i cumpàri,
forzi peju d’’i mugghjéri.

Igli ‘ndannu l’aggravanti,
ca scigghjìru comu sposa,
‘na gran fìmmina arroganti,
chjin’ ‘e spini com’ ‘a rosa.

S’ogni spina è ‘mbelenàta,
non si ‘mporta d’’i cumpàri,
chi si fannu ‘na risata,
‘mmenz’ a gliu cummariàri.

E po’ ‘ncignanu pur’ igli,
cu glia lingua biforcuta,
cu gli denti ch’ennu artigli,
‘na tagghjàta e ‘na cusùta.

Quand’ ‘i vidi e quand’ ‘i senti,
penzi ‘nu concettu chjàru,
ca sicuru, indubbiamenti,
si guardàru e si trovàru.

Corp’ ‘i furmini fu chistu,
‘na lampata in chjinu jornu,
cchjùn’ ‘i penzu e cchjù mi pistu,
pe’ ‘sti facci senza scornu.

Stat’ attenti, quandu siti,
tra cumpàri e tra cummàri,
vu’ ‘ndavit’ ‘i capiscìti,
ca no’ ‘ndannu nent’ ‘i fari.

Giovanni Ruffo, 26/03/2019.