Stampa
Stella inattivaStella inattivaStella inattivaStella inattivaStella inattiva
 

21557753 1808376925847051 1355661253308280449 n

'U RUMÙRI DU SILENZIU

'U rumùri du silenziu,
'i 'nu poveru cristianu,
vecchjiaregliu e malandatu,
chi non avi nenti 'i sanu.

'U rumùri du silenziu,
'i cu' esti 'bbandunatu,
'nta 'nu spiziu o 'nu 'spitali,
senz' 'e faci 'nu rihjàtu.

'U rumùri du silenziu,
'i 'na vìduva curcàta,
chi 'nto lettu spett' 'e torna
glià perzùna tant'amata.

'U rumùri du silenziu,
'i 'na mamma chi perdiu
'nu figghiolu prim' 'e nesci,
prim' 'e vidi 'a luci 'i Diu.

'U rumùri du silenziu,
'i 'na duci figghjioleglia,
chi nescìu 'nta chistu mundu,
senz' 'e sapi ch'è orfaneglia.

'U rumuri du silenziu,
'i cu' parti militari
e 'nta guerra preg' a Diu,
pemmu poti rincasari.

U rumùri du silenziu,
'i cu' campa cu 'nu pisu,
pecchì senti la mancanza
'i 'na vuci, 'i 'nu sorrisu.

'U silenziu, pari stranu,
ma esti propriu 'nu rumùri;
'nu rumùri 'i sufferenza,
'nu rumùri di dolùri.

Giovanni Ruffo, 16/09/2017.